तेस्रो खेलमा हङकङलाई ७९ रनले हराउँदै नेपाल फाइनलमा

सिरहा, कार्तिक ४ गते । त्रिकोणात्मक अन्तर्राष्ट्रिय टी–२० प्रतियोगिताको तेस्रो खेल जित्दै नेपाल प्रतियोगिताको फाइनलमा प्रवेश गरेको छ ।
मूलपानी क्रिकेट मैदानमा भएको खेलमा हङकङलाई ७९ रनले पराजित गर्दै नेपाल फाइनल प्रवेश गरेको हो । नेपालले दिएको दुई सय १४ रनको लक्ष्य पछ्याएको हङकङले २० ओभरमा आठ विकेट गुमाएर जम्मा एक सय ३४ रन बनायो ।
नेपालका लागि करण केसी, सोमपाल कामी र ललित राजवंशीले दई–दई तथा दीपेन्द्रसिंह ऐरी र डेब्यु ब्याइ प्रतीश जिसीले एक विकेट लिए ।
त्यसअघि टस जितेर पहिले ब्याटिङ गर्दै नेपालले हङकङविरुद्ध विशाल योगफल तयार गरेको थियो । कुशल मल्ल र दीपेन्द्रसिंह ऐरीले विस्फोटक ब्याटिङ गर्दै एक सय ४५ रनको साझेदारी गरेपछि नेपालले निर्धारित २० ओभरमा ६ विकेटको क्षतिमा दुई सय १३ रन बनाएको थियो ।
कुशल मल्लले ४१ बलमा नौ छक्का र तीन चौकाको मद्दतमा ९२ रन बनाए । यस्तै, दीपेन्द्रले ३४ बलमा ५७ रनको योगदान दिए । उनले दुई छक्का र ६ चौका प्रहार गरे । हङकङले फिल्डिङका निकै कमजोर प्रदर्शन गर्दा नेपाली खेलाडीले पटकपटक मौका पाएका थिए ।