सरोज कुमार पासमान, ४ कार्तिक । रिलायबल नेपाल लाइफ इन्स्योरेन्स लिमिटेडले घातक रोग दावी भुक्तानी हस्तान्तरण गरेको छ । सिरहा जिल्लाको मिर्चैया नगरपालिका वडा नं. ५ वस्ने ओमप्रकाश साहले विगत ६ महिना पहिले दश लाखको विमा गरेका थिए त्यसै क्रममा प्रालाइसिस भएपछि उपचार खर्चका लागि रिलायबल नेपाल लाइफ इन्स्योरेन्स लिमिटेडले दशलाख रकम हस्तान्तरण गरेको रिलायबल नेपाल लाइफ इन्स्योरेन्स लिमिटेड मिर्चैयाका शाखा प्रमुख सुरेन्द्र प्रसाद साहले जानकारी दिए ।
रिलायबल नेपाल लाइफ इन्स्योरेन्स लिमिटेडले घातक रोग दावी भुक्तानी हस्तान्तरण गरेपछि आफु निकै खुसी भएको लाभग्राही ओमप्रकाश साहले बताए । उनले भने, म अहिले विरामी परेको अवस्थामा सन्तोषजनक रुपमा काम गर्न सक्ने अवस्था छैन् । आर्थिक अवस्था समेत कमजोर भएको अवस्थामा रिलायबल नेपाल लाइफ इन्स्योरेन्स लिमिटेडले घातक रोग दावी भुक्तानी समयमै गरिदिएपछि पुरै परिवार खुसी छु ।
घातक रोग दावी भुक्तानी हस्तान्तरण कार्यक्रममा जनता समाजवादी पार्टीका केन्द्रिय सदस्य राम कुमार मण्डल, राष्ट्रिय प्रजातन्त्र पार्टीका केन्द्रिय सदस्सय भोला साह, जनता समाजवादी पार्टीका मिर्चैया नं.५ को पुर्व वडा अध्यक्ष धिरेन्द्र साह लगायत स्थानिय बुद्धिजिवी समाजसेवी, शिक्षक विद्यार्थी लगायतको उपस्थितीमा घातक रोग दावी भुक्तानी हस्तान्तरण गरेको र रिलायबल नेपाल लाइफ इन्स्योरेन्स लिमिटेड प्रति आकर्षण समेत बढदै गएको शाखा प्रमुख साहले जानकारी दिए ।
