सिरहा, असार ४ गते । सिरहामा निशुल्क स्वास्थ परिक्षणमा उपचार गराउन आएकाहरुमा मुटुमा समस्या र उच्च रक्तचापको समस्या देखिएको छ । अप्पन किल्निक एन्ड डाइग्नोस्टिक सेन्टरको सुभारम्भको अवसरमा आयोजित निशुल्क शिविरमा उपचार गराएका मध्ये धेरैजसोमा उच्च रक्तचापसंगै मुटुको समस्या देखिएको हो । शिविरमा उपचार गराउन आएका ४७ जनामध्ये धेरै जसोमा उच्च रक्तचापको समस्या देखिएकोले परामर्शसंगै औषधी निशुल्क वितरण गरिएको डा नरेश मण्डलले बताए ।
शिविरमा जाँच गराउनेहरुमा उच्च रक्तचाप, मधुमेह र मुटुको समस्या देखिएको भन्दै जटिल समस्या भएकाहरुलाई सुविधा सम्पन्न अस्पतालमा उपचार गराउन सुझाब दिएको डा मण्डलले बताए । खानपान र जीवन शैलीमा सुधार गर्नुपर्ने शिविरमा उपचार गराउन आएकाहरुलाई परामर्श दिई थप उपचार आवश्यक रहेकालाई सुविधा सम्पन्न अस्पतालमा उपचार गराउन सुझाव दिएको डा मण्डलले बताए । शिविरमा ३४ जनाको इसिजी गरि मुटु सम्बन्ध समस्या छ/छैन भन्ने परिक्षण गरिएको भन्दै डा मण्डलले खानपिनका कारण मुटुमा समस्या आउने, उच्च रक्तचाप बढ्ने र सुगरको समस्या हुने भएकोले त्यसमा सुधार गर्न ध्यान दिन सुझाव दिएको डा मण्डलले बताए ।
