इन्डियन प्रिमियर लिग (आईपीएल) मा यस्ता कैयौँ कीर्तिमान छन्, जसलाई तोड्नका लागि हरेक खेलाडीले आफ्नो सम्पूर्ण शक्ति लगाउँछन् । तर तीमध्ये केही यस्ता लाजमर्दो कीर्तिमान छन्, जसलाई कुनै पनि खेलाडीले आफ्नो नाममा होस् भन्ने चाहँदैनन् । यस्तै एउटा कीर्तिमान सबैभन्दा धेरै पटक शून्य (डक) मा आउट हुनु हो।आईपीएलको इतिहासमा सबैभन्दा धेरै पटक शून्यमा आउट हुने कीर्तिमान तीन खेलाडीले संयुक्त रूपमा बनाएका छन् । यी यस्ता खेलाडी हुन्, जसको नाम मात्रै क्रिकेट जगतका बलरहरूमा डर पैदा गर्न पर्याप्त छ । तर उनीहरूका फ्यानहरूले यो थाहा पाउँदा छक्क पर्नेछन् कि यी तीन स्टारहरू शून्यमा आउट हुने लज्जास्पद कीर्तिमानलाई अगाडि बढाउने काम गरिरहेका छन् ।यी तीन खेलाडी हुन् मुम्बई इन्डियन्सका पूर्व कप्तान रोहित शर्मा, रोयल च्यालेन्जर्स बैंगलोरका ग्लेन म्याक्सवेल र विकेटकिपर दिनेश कार्तिक । ती तीनै जना सर्वाधिक १७ पटक शून्यमा आउट भएका छन् । अब यी तीन खेलाडीमध्ये एक जना कुनै पनि अर्को खेलमा शून्यमा आउट भएमा अन्य दुईलाई उछिन्दै यो लज्जास्पद कीर्तिमानको हिसाबले शीर्ष स्थानमा पुग्नेछन् । आईपीएलमा सबैभन्दा धेरै पटक शून्यमा आउट भएका खेलाडीहरूरोहित र कार्तिक यो सिजन उत्कृष्ट लयमा छन् । रोहितले यो सिजन शतकीय पारी समेत खेलेका छन् । अर्कोतर्फ कार्तिकले उत्कृष्ट फिनिसरको भूमिका निर्वाह गरिरहेका छन् । तर म्याक्सवेल पनि खराब फर्मका कारण टिमबाट बाहिर छन् । रोहित पनि यो सिजन एक पटक शून्यमा आउट भएका छन् ।रोहितले १७ औं सिजनमा अहिलेसम्म ७ खेल खेलेका छन् जसमा ४९.५० को औसतमा २९७ रन बनाएका छन् । यस अवधिमा उनले शतक (१०५ रन) समेत बनाएका छन् । अर्कोतर्फ कार्तिकले ७ खेलमा ७५.३३ को औसतमा २२६ रन बनाएका छन् । यस अवधिमा उनले २ अर्धशतक बनाएका छन् ।म्याक्सवेल आईपीएल २०२४ मा तीन पटक शून्य रनमा आउटअर्कोतर्फ, आईपीएल २०२४ सिजन म्याक्सवेलका लागि दुःस्वप्नभन्दा कम रहेन । उनले अहिलेसम्म ६ खेल खेलेका छन् जसमा ५.३३ को निकै कमजोर औसतमा ३२ रन मात्र बनाएका छन् । यस अवधिमा म्याक्सवेल ३ पटक शून्यमा आउट भएका छन् । यदि उनले मौका पाए भने यो लज्जास्पद कीर्तिमान बनाउने प्रबल दाबेदार हुनेछन् ।
