सरोज कुमार पासमान, कर्जन्हा । मिर्चैया नगरपालिकालाई सिरहा प्रशासनले अपहेलना गरेको माओवादी केन्द्रका नेता तथा पुर्व मन्त्री मात्रीका प्रसाद यादवले आरोप लगाएका छन् ।
विभिन्न अपराधका घटनामा संलग्न रहेका अपराधी र गुण्डाहरुलाई सिरहाका सिडियो एसपीले सगै बसाएर चिया खुवाएर गुण्डाहरुलाई खुला छोडिदिएपछि मिर्चैया नगरपालिका माथि आक्रमण गर्ने उनिहरुले हिम्मत गरेको पुर्वमन्त्री यादवले आरोप लगाएको हो । पार्टीका केहि नेताहरु बाटै मिर्चैया नगरपालिकाको मेयर माथि पटक पटक विभिन्न आक्रमण गरि फसाउने कार्यभएको छ । मिर्चैयामा भएका विभिन्न घट्नाहरु वारे छानबिन गर्न अध्यक्ष प्रचण्डले निर्देशन गरेपनि आफै उक्त घट्नाको दोषी हुने डरले छनबिन गर्ने हिम्मत समेत नगरेको यस विषयमा पार्टीबाट पुनःठोष निर्णय हुनुपर्ने पुर्वमन्त्री यादवले बताए ।
मिर्चैया नगरपालिकाको जनताहरु हेली पर्वको शुभकामना दिदै मिर्चैयाका मेयर श्रवण यादवले आफुले सबै संग मिलेर नगरपालिकाको विकास गर्न खोजेको बताएका छन् । जनताको वास्तविक समस्या प्रति मिर्चैया नगरपालिका गम्भिर रहेकोले त्यस प्रकारका समस्या उठान बताउदै अरुलाई गल्त देखाउन गरिने आन्दोलनले कसैको फायदा नहुने बताए ।
मिर्चैया नगरपालिकाको जनताको समस्या समाधान गर्नका लागि आफु जहिले पनि तयार रहेकाले विधि र प्रकृयाबाट छलफलको माध्ययमबाट समस्याको समाधान खोज्न मेयर यादवले सबै संग आग्रह गरे । होलीको अवसरमा मिर्चैया नगरपालिकाको आयोजनामा भएको शुभकामना आदान प्रदान कार्यक्रमको अध्यक्षता मिर्चैयाका मेयर श्रवण कुमार यादवले गरेका थिए भने प्रमुख अतिथिको रुपमा माओवादी केन्द्रका नेता तथा पुर्व मन्त्री मात्रीका प्रसाद यादवको उपस्थिती रहेको थियो । त्यस्तै कार्यक्रममा नगरपालिकाको जनप्रतिनिधी, कर्मचारी, पत्रकार लगायत विभिन्न पार्टीका प्रतिनिधीहरुको उपस्थिती रहेको थियो ।
