ललितपुरको महांकाल गाउँपालिका-४ चन्दनपुर बस्ने दीपेश तिमलसिनाको घरमा बुधबार साँझ आगलागी भएको छ । प्रहरीका अनुसार विद्युत् सर्ट भई बुधबार साँझ आगलागी हुँदा घर, लत्ताकपडा, भाँडा वर्तन, अन्नपात लगायतका सर सामानहरू पूर्णरूपमा जलेर करिब ७ लाख रुपैयाँ बराबरको धनमाल नष्ट भएको छ । प्रहरीले स्थानीय बासिन्दाको सहयोगमा आगलागी नियन्त्रणमा लिनुको साथै यस सम्बन्धमा आवश्यक अनुसन्धान गरिरहेको छ ।
