राष्ट्रिय आविष्कार केन्द्रका सञ्चालक महावीर पुनले सुर्खेतको वीरेन्द्रनगरमा एक हजार ७ सय १६ वटा किताब बेचेका छन् ।उनले चार दिनको अवधिमा एक हजार ७ सय १६ वटा किताब बिक्री गरेका हुन् । चार दिनअघि सुर्खेतको राजधानी वीरेन्द्रनगरमा आएका उनले पहिलो दिनमा ४ लाख ४६ हजार २५० रुपैयाँको ५९५ पुस्तक बिक्री गरेका थिए ।यस्तै दोस्रो दिन २ लाख ६२ हजार ५०० को ३५० वटा किताब बिक्री गरेका उनले तेस्रो दिनमा ३ लाख १५ हजार ७५० रुपैयाँको ४२१ पुस्तक बिक्री गरे । उक्त दिन राष्ट्रिय सभाको निर्वाचन थियो । निर्वाचन स्थलमै पुगेर पुनले नेताहरुलाई समेत किताब बेचेका थिए ।चौथो दिनमा २ लाख ६२ हजार ५०० को ३५० किताब बेचेर उनी शुक्रबार दैलेखतर्फ लागे । पुनले शनिवार दैलेख सदरमुकाममा किताब बेचिरहेका छन् ।वीरेन्द्रनगरमा स्थानीय समाजसेवी युवा नवराज बोहोरालगायतले पुनलाई किताब बिक्री गर्नमा सहयोग गरेका थिए । युवाहरुकै सहयोगमा वीरन्द्रनगरका विभिन्न चोक तथा विद्यालयहरुमा किताब बिक्री गरिएको थियो । पुनले वीरगंजको कृषि औजार कारखाना सञ्चालनका लागि उक्त किताब बिक्री गरिरहेका छन् । किताब पुनकै जीवनमा आधारित रहेको छ।
