Home » राम मन्दिरको प्राण प्रतिष्ठा : पशुपति क्षेत्र विकास कोषका सदस्यसचिव केसी भारत प्रस्थान
भारतको अयोध्यास्थित राम मन्दिरको प्राण प्रतिष्ठा समारोहमा सहभागी हुन पशुपति क्षेत्र विकास कोषको तर्फबाट सदस्य सचिव राजु केसी भारत प्रस्थान गरेका छन् । उनी शनिवार बिहान भारत प्रस्थान गरेका हुन् । भगवान् रामको जन्मभूमि अयोध्यामा निर्माण भएको राम मन्दिरको २२ जनवरीमा प्राण प्रतिष्ठा समारोहको आयोजना गरिएको हो । सो समारोहका लागि प्राण प्रतिष्ठा कार्यालयबाट भारत र विश्वभरका विशिष्ट व्यक्तित्वहरूलाई आमन्त्रण गरिएको छ । भारतका प्रधानमन्त्री नरेन्द्र मोदीको उपस्थितिमा हुने उक्त कार्यक्रममा साधु, सन्त, महन्त, भारतीय उद्योगपति, बलिउडकर्मीदेखि कलाकारहरूलाई आमन्त्रण गरिएको हो । सोही कार्यक्रममा विशिष्ट पाहुनाको रूपमै केसीलाई बोलाइएको बताइएको छ । पशुपति क्षेत्रविकास कोषका लागि धर्माचार्य–बाहन पास जारी भएको बताइएको छ । राम मन्दिरको प्राण प्रतिष्ठा समारोहमा पशुपतिनाथका प्रतिनिधिलाई भारतीय पक्षले उच्च महत्त्व दिँदै विशिष्ट पाहुनाको रुपमा निम्ता दिँदै भारतले दुई देशबिचको धार्मिक तथा सांस्कृतिक सम्बन्धलाई स्थान दिएको हो । सत्तारुढ भारतीय जनता पार्टीले सो कार्यक्रमलाई आफ्नै प्रतिष्ठासँग जोडेर भव्य बनाउन खोजिरहेको कतिपयले टिप्पणी समेत गर्दै आएका छन् । पुल मिडिया नेट्वर्क प्रा. लि द्वारा संचालित गुन्द्रुक अनलाइन डटकम
www.gundrukonline.com
सुरुची मार्ग, नयाँ बानेश्वर, काठमाण्डौैं, (नेपाल)
+९७७९८००००००००
इमेल:info@gundrukonline.com
© 2023 : All copyrights to reserved. Gundruk Online Developed by: Nitra Technology.
© 2023 : All copyrights to reserved. Gundruk Online Developed by: Nitra Technology.