प्रधानमन्त्री पुष्पकमल दाहालले हेटौंडा–९, धापस्थित मानवसेवा आश्रमको मुख्य कार्यालयको नवनिर्मित भवनको उद्घाटन गरेका छन् ।शनिबार बिहान प्रधानमन्त्री दाहालले भवनको उद्घाटन गर्दै अवलोकन समेत गरेका छन् । आश्रमले सडकमा जीवनयापन गर्दै आएका, अशक्त र अपाङ्गता भएकाहरुका लागी १३ करोड ८१ लाख ६६ हजार रुपैयाँ लागतमा अपाङ्गता मैत्री भवन निर्माण गरेको हो ।२०८२ सालभित्र सहयोगापेक्षी सडकआश्रित मानवमुक्त राष्ट्र नेपाल निर्माणको लक्ष्य लिएको मानव आश्रमको २०६९ भदौ १३ गते स्थापना भएको थियो । आश्रमको देशभरको १९ वटा जिल्लाको २४ स्थानमा शाखा कार्यालय स्थापना गरी सेवा प्रवाह गरिरहेको छ ।आश्रमको वाग्मती प्रदेशमा ६, गण्डकीमा ५, लुम्बिनीमा ४, मधेशमा ३ र कोशी, कर्णाली र सुदूरपश्चिम प्रदेशमा एक/एकवटा गरी २४ वटा आश्रमहरू रहेका छन् । आश्रमको देशभरका रहेका शाखामा हाल एक हजार सातसय जना सहयोगापेक्षी मानवहरू आश्रित रहेका छन् ।