सिरहा, ६ असार । सिरहा जिल्लामा लामो समय देखि पत्रकारिकता गर्दै आएका पाँच पत्रकारहरु सम्मानित भएका छन् ।
राष्ट्रिय दलित पत्रकार संघ, नेपाल सिरहा शाखाको जिल्ला अधिवेशनको अवसरमा सिरहाका वरिष्ठ पत्रकार तथा दावानल डटकम अनलाइनका कार्यकारी सम्पादक अर्जुन कुमार थपलिया, गमक पोष्ट अनलाइनका कार्यकारी सम्पादक आशे कुमार विश्वकर्मा (आशिष), फरिच नेपालका प्रकाशक÷सम्पादक अभरेन्द्र यादव, स्टार खबरका सम्पादक सोनु मिश्रा, मनकामना पोष्टका समाचार प्रमुख रामनारायण ठाकुर र स्पेश समाचार डटकमका सिरहा सम्वाददाता नरेशचन्द्र वरबरियालाई माला तथा दोसल्ला ओढाएर सम्मान गरिएको राष्ट्रिय दलित पत्रकार संघ नेपाल, शाखा कार्यालय सिरहाको अध्यक्ष सरोज कुमार पासमानले जानकारी दिएका छन् ।
पत्रकारिता मार्फत समाजको अनेक समस्याहरु उजागर गरि समाजका विभिन्न समस्याहरुलाई समाधान गर्नका लागि भूमिका खेलेको भन्दै उनिहरुलाई सम्मान गरिएको छ । राष्ट्रिय दलित पत्रकार संघ, नेपालका केन्द्रिय उपाध्यक्ष भोला पासमानले पत्रकारहरुलाई अबिर माला लगाइ दोसल्ला ओढाएर सम्मान गर्दै दलित समुदायको समस्या समाधान गर्नका लागि सञ्चारकर्मीहरुको कलम अझै गतिलो ढंगबाट चल्नुपर्ने बताए । पत्रकारबाट समाजको समस्या समाधान हुने आम जनतामा जनविश्वास गरेकोले स्वतन्त्र रुपमा तठष्त पत्रकारिता अहिलेको आवश्यकता रहेको उपाध्यक्ष पासमानले बताए ।
