सिरहा, कार्तिक ६ गते । त्रिकोणात्मक टी–२० शृङ्खलामा नेपालले यूएईलाई ५ विकेटले पराजित गरेको छ ।
यूएईले दिएको १६५ रनको लक्ष्य नेपालले पाँच विकेट गुमाएर १९.२ ओभरमै भेटाएको हो । नेपालका लागि विजयी रन दीपेन्द्रसिंह ऐरीले लिएका छन् ।
ऐरी नटआउट ४० रन बनाएका छन् । यस अघि नेपालका लागि आशिफ शेखले २ छक्का र ६ चौका मद्दतमा ६२ रन बनाए । कप्तान रोहित पौडेल ४७ रनमा आउट क्याच आउट भए । गुल्सन झा १ रनमा नटआउट रहे ।
यूएईका मोहम्मद जवादुल्लाहले २ र अकिफ राजाले एक विकेट लिए ।
यसअघि टस हारेर पहिले ब्याटिङ गरेको यूएईले ७ विकेट गुमाएर १६४ रन बनाएको थियो । यूएईका लागि वृत्य अरविन्द र बासिल हमीदले समान ४५ ÷४५ रन बनाए । यस्तै आसिफ खान १८, खालिद शाह १२, अलिशान शराफु ९, अल नासिर ९ र मोहम्मद वासिम ८ रन बनाएर आउट भए । निलान्स केश्वानी ८ र अकिफ राजा ५ रनमा अविजित रहे ।
नेपालका सोमपाल कामी र अविनाश बोहोराले २÷२ विकेट लिए भने करण केसी र गुल्शन झाले एक÷एक विकेट लिए ।
त्रिकोणिय सिरिजमा नेपाल चार वटै खेल जितेको छ । अब फाईनल युएई वा हंङकङमध्ये एकसँग भिड्नेछ ।
