हेटौंडाको तरकारी बजारमा आगलागी हुदाँ एक घर र तीन पसलमा क्षति

हेटौंडा,१० कार्तिक । मकवानपुरको हेटौंडा-१० स्थित तरकारी बजारमा आगलागी भएको छ। आज दिउँसो १२:३५ बजे भएको आगलागीबाट करिब ५० लाख रुपैयाँको क्षति भएको मकवानपुर प्रहरीले जनाएको छ।

आगलागीबाट एक घर र  ३ पसलमा क्षति भएको प्रहरीको अनुमान छ। हेटौंडा उपमहानगरपालिकाको दमकलको सहायताले आगो नियन्त्रणमा लिइएको थियो। आगलागीका कारण खुल्न बाँकी रहेको मकवानपुर प्रहरीले जनाएको छ।