सशस्त्र प्रहरीद्वारा कटुवा पेस्तोल र गोली बरामद

राजविराज । सप्तरीको बनैनियाँबाट सशस्त्र प्रहरीले कटुवा पेस्टोल र गोली बरामद गरेको छ ।

जिल्लाको राजगढ गाउँपालिका वडा नम्वर २ बनैनियाँमा आईतबार राति ९ बजेको समयमा नेपाल–भारत सीमा क्षेत्रबाट एउटा कटुवा पेस्तोल र सोमा प्रयोग हुने एक राउण्ड गोली बरामद भएको सशस्त्र प्रहरीले जानकारी दिए ।

भारतबाट नेपालतर्फ आउँदै गरेका दुई जना व्यक्तिले गस्तीमा खटिएका सशस्त्र प्रहरीलाई देख्नासाथ उनीहरु बोकेको ती पेस्तोल छाडेर फरार भएको सशस्त्र प्रहरीले जनाएको छ ।